नागपूर महानगरपालिकेचा प्रभाग ३६ हा केवळ एक प्रभाग नसून भाजपसाठी ती प्रतिष्ठेची ‘राजधानी’ आहे. २०१७ मध्ये भाजपने येथे विरोधकांना पाणी पाजत चारही जागांवर विजय मिळवला होता. मात्र, गेल्या ८ वर्षांत बदललेली समीकरणे आणि वस्तीपातळीवरील प्रलंबित प्रश्नांमुळे यंदा या गडाला खिंडार पडणार की भाजप आपली विजयाची परंपरा कायम राखणार, याकडे संपूर्ण शहराचे लक्ष लागले आहे.
१. पोल्टीकल वझीर च्या मते : तिकीटासाठी अंतर्गत ‘वॉर’
भाजपमधील इच्छुकांची गर्दी: हा भाजपचा सुरक्षित गड मानला जात असल्याने येथे तिकीटासाठी मोठी चढाओढ आहे. माजी नगरसेवकांसह भाजप युवा मोर्चाच्या कार्यकर्त्यांनीही येथे शड्डू ठोकला आहे.
काँग्रेसचा तगड्या चेहऱ्याचा शोध: उपमुख्यमंत्र्यांच्या प्रभागात आव्हान देण्यासाठी काँग्रेस एका अशा उमेदवाराच्या शोधात आहे जो सर्वसामान्यांच्या प्रश्नांवरून भाजपला घेरण्यास सक्षम असेल.
२. निवडणुकीच्या आखाड्यातील इच्छुकांची यादी :-
या प्रभागातून रिंगणात उतरण्यासाठी दोन्ही पक्षांची तयारी जोरात सुरू आहे:
भाजप: ईश्वर ढेंगळे, माजी नगरसेविका मीनाक्षी तेलगोटे, प्रमोद तभाने, लहूकुमार बेहते, प्रकाश भोयर, पल्लवी शामकुळे, निलेश राऊत, संजय देशमुख, प्रशांत आकांत, दिलीप तुपकर, शेखर भागवत, विनोद चावला, किशोर चन्ने, कल्पना तडस, मनीषा काशीकर, श्रुती देशपांडे, मंगेश गजभिये, राजेश हिंगणकर, देवा देहनकर, शेखर भागवत, स्नेहल गोतमारे,लता सावरकर आणि सारंग कदम.
काँग्रेस: सूरज पन्नासे, राजश्री पन्नासे, किशोर उमाठे, रेखा बारहाते, प्रसन्ना जिचकार, जितेंद्र हावरे, अनिता ठेंगरे, पुरुषोत्तम पारमोरे, कमलदास गजभिये, अंटू हावरे आणि वैभव काळे
३. ग्राऊंड रिपोर्ट: विकासाच्या झगमगाटामागील काळोख!
जरी हा मुख्यमंत्र्यांचा प्रभाग असला तरी स्थानिक रहिवाशांच्या तक्रारींचा पाढा मोठा आहे:
अतिक्रमणाचा विळखा: ऑरेंज सिटी स्ट्रीट, लंडन स्ट्रीट आणि सहकार नगर परिसरातील मुख्य रस्त्यांवर मोठ्या प्रमाणात दुकानांचे आणि झोपड्यांचे अतिक्रमण झाले आहे.
भटक्या कुत्र्यांचा हैदोस: मटण मार्केट आणि सहकार नगर परिसरात भटक्या कुत्र्यांच्या हल्ल्यात लहान मुले जखमी झाल्याच्या घटना घडल्या आहेत, ज्यामुळे नागरिकांमध्ये प्रचंड भीती आहे.
स्वच्छतेचा प्रश्न: सहकार नगरमधील कचऱ्याचे ढीग आणि अंतर्गत वस्त्यांमधील अस्वच्छतेमुळे नागरिकांचा रोष वाढत आहे.
सुरक्षेचा अभाव: अनेक अंतर्गत वस्त्यांमध्ये पथदिवे योग्य पद्धतीने कार्य करत नसल्यामुळे रात्रीच्या वेळी महिला आणि वृद्धांच्या सुरक्षेचा प्रश्न निर्माण झाला आहे.
४. विश्लेषण: प्रभाग ३६
बळ:- देवेंद्र फडणवीस यांचा बालेकिल्ला असल्याने मिळालेले मोठे विकासनिधी आणि संघटन
उणिवा:- ‘लंडन स्ट्रीट’ सारखे मोठे प्रकल्प पूर्ण होऊनही स्थानिक वस्त्यांमधील मूलभूत समस्या सुटलेल्या नाहीत
संधी:- सुशिक्षित मतदारांना आकर्षित करण्यासाठी भाजपकडे नव्या विकासकामांचे व्हिजन मांडण्याची संधी
धोके:– तिकीट न मिळाल्यास भाजपमधील अंतर्गत गटबाजी आणि बंडखोरीचा फटका बसण्याची शक्यता
राजकीय वझीरचा ‘मास्टरस्ट्रोक’ :-
प्रभाग ३६ मध्ये विजय मिळवण्यासाठी केवळ ‘मोठे प्रकल्प’ उपयोगाचे नाहीत. जो उमेदवार ‘भटक्या कुत्र्यांची समस्या’, ‘रस्त्यांवरील अतिक्रमण’ आणि ‘वस्तीपातळीवरील स्वच्छता’ यावर काम करेल, तोच या बालेकिल्ल्याचा खरा मंत्री ठरेल.
