पिंपरी-चिंचवडमधील प्रभाग १, म्हणजेच चिखली परिसर, सध्या एका विचित्र कात्रीत सापडला आहे. औद्योगिक पट्ट्यामुळे येथे लोकसंख्येचा ओघ प्रचंड वाढला आहे, मात्र त्या तुलनेत नागरी सुविधांचा वेग मात्र कासवगतीने सुरू असल्याचे चित्र आहे. ‘रेड झोन’च्या तांत्रिक अडचणी आणि रखडलेले रस्ते विकास यांमुळे येथील रहिवाशांमध्ये नाराजीचा सूर आहे.
१. पोल्टीकल वझीरचा मते : कामगारांच्या नगरीत कोणाचे वर्चस्व?
मतदार संख्या: या प्रभागात एकूण ६८,७६७ मतदार असून, यात पुरुष मतदार (३७,४०१) स्त्री मतदारांच्या (३१,३६२) तुलनेत अधिक आहेत.
कामगार वर्ग: चिखली गावठाण आणि परिसरात लघुउद्योगांची संख्या मोठी असल्याने येथे कामगार मतदारांचा कौल निर्णायक ठरतो.
आरक्षणाचे समीकरण: या प्रभागात जागा अ-नागरिकांचा मागास प्रवर्ग, ब-महिला आणि क-महिला अशा पद्धतीने आरक्षित आहेत.
२. ‘बॅटल ग्राऊंड’ मधील प्रमुख वस्त्या
चिखली गावठाण भाग , पाटीलनगर, गणेशनगर, सोनवणे वस्ती, आणि मोरेवस्ती या प्रमुख भागांचा समावेश या प्रभागात होतो.
३. ग्राऊंड रिपोर्ट: विकासाच्या प्रतीक्षेत असलेले चिखलीकर
स्थानिक नागरिकांच्या मते, गेल्या २८ वर्षांत या भागात अनेक मूलभूत गरजांकडे दुर्लक्ष झाले आहे:
रस्त्यांचे रखडलेले रुंदीकरण: साने चौक ते चिखली रस्ता आणि साने चौक ते शिवरकर चौक या रस्त्यांचे रुंदीकरण रखडल्यामुळे दररोज भीषण वाहतूक कोंडी होते.
सुसज्ज क्रीडांगणाचा अभाव: या भागात अनेक गुणवंत खेळाडू असूनही त्यांना सरावासाठी एकही सुसज्ज मैदान उपलब्ध नाही.
रेड झोनचा प्रश्न: रेड झोनच्या मर्यादेमुळे अनेक बांधकामे आणि सुविधांवर कायदेशीर टांगती तलवार आहे, ज्यामुळे रहिवाशांना घरांच्या मालकी हक्काबाबत भीती वाटते.
आरोग्य आणि शिक्षण: प्रभागात सुसज्ज सरकारी रुग्णालय (आरोग्य केंद्र) आणि महापालिकेच्या दर्जेदार शाळांची मोठी गरज आहे.
४.(पिंपरी-चिंचवड) विश्लेषण: प्रभाग १
बळ:- मोठी लोकसंख्या आणि औद्योगिक क्षेत्राचा कणा असलेला कामगार वर्ग.
उणिवा :- रस्ते रुंदीकरणातील अडथळे आणि २४ तास पाणी पुरवठ्याचा अभाव.
संधी:- रखडलेले ‘डीपी’ रस्ते पूर्ण केल्यास आणि सांडपाणी वाहिनी सुधारल्यास सत्ताधाऱ्यांना पुन्हा संधी.
धोके :- ‘रेड झोन’ आणि गुन्हेगारीच्या वाढत्या समस्यांवर तोडगा न निघाल्यास मतदारांचा रोष ओढवला जाऊ शकतो.
५. पोल्टीकल वझीरचा ‘मास्टरस्ट्रोक’:-
चिखलीमध्ये विजय मिळवण्यासाठी केवळ रस्ते बांधून चालणार नाही, तर ‘रेड झोन’ मधील नागरिकांना दिलासा देणारा नेता जनतेला हवा आहे. जो उमेदवार ‘साने चौक ते शिवरकर चौक’ रस्ता कोंडीमुक्त करेल आणि ‘मोकाट कुत्र्यांचा उपद्रव’ थांबवेल, चिखलीची जनता त्याच्याच गळ्यात विजयाची माळ टाकेल.
