ठाकरे परिवारातील तेजस ठाकरे ची तुलना व्हीव्हीयन रिचर्ड्ससोबत का केली जाते?

मंडळी सद्ध्या महाराष्ट्रातील राजकारणात नेहमीप्रमाणे ठाकरे कुटुंब चांगलच चर्चेत आहे. एकनाथ शिंदे यांनी उध्दव ठाकरेंविरोधात केलेल्या बंडाने शिवसेनेमध्ये मोठी फूट पडली.

आणि शिवसेनेच्या अडचणींमध्ये वाढ झाली. मात्र अशामध्ये उध्दव ठाकरेंसोबत सामजिक चळवळीतील अनेक नेते जुडलेत. उध्दव ठाकरे यांचे मोठे चिरंजीव आदित्य ठाकरे हे शिवसेनेचे मेळावे घेण्यात चांगलेच व्यस्त झाले.

मात्र शिवसेना पक्षाला अडचणीमधून सांभाळण्यासाठी आता उध्दव ठाकरे यांचे दुसरे चिरंजीव म्हणजेच तेजस ठाकरे राजकीय क्षेत्रात आपलं पाऊल टाकणार का? हा प्रश्न सर्वसामान्य जनतेला पडला आहे.

ठाकरे परिवारावर बोचरी टीका ते शिवसेनेत प्रवेश. सुषमा अंधारे कोण आहेत?

दिनांक ७ ऑगस्टला तेजस ठाकरे यांचा वाढदिवस असतो आणि याच दिवशी ते राजकीय क्षेत्रात सक्रिय होतील. अशी चर्चा सद्ध्या सगळीकडे सुरू आहे.

तेजस ठाकरे याआधी कधीही कुठल्या राजकिय घडामोडीमध्ये दिसले नाही. मात्र २०१९च्या विधानसभा निवडणुकीत मात्र आदित्य ठाकरेंच्या प्रचारासाठी ते सक्रिय होते. याव्यतिरिक्त त्यानंतर ते कुठल्याही राजकीय घडामोडीमध्ये आढळले नाही.

एकदा बाळासाहेब ठाकरे यांनी एका सभेमध्ये तेजस ठाकरे यांच कौतुक केलं होतं की,

” तेजस ठाकरेंच्या आणि माझ्या स्वःभावामध्ये खूप साम्य आहे.”

तेव्हापासून ते राजकीय क्षेत्रात चांगलेच चर्चेत आले होते. राजकीय क्षेत्र वगळता ते आपल्या वैयक्तिक जीवनात वन्यप्राण्यांचा प्रजाती शोधून त्यांना वेगवेगळे नाव देण्यात व्यस्त असतात.

देश पुन्हा गुलामगिरीत जातोय का?

व्हीव्हीयन रिचर्ड्सशी तुलना…

मंडळी आपल्याला हे वाचून आश्चर्य वाटेल की वेस्ट इंडिजचे प्रख्यात क्रिकेटपटू सर व्हीव्हीयन रिचर्ड्स आणि तेजस ठाकरे यांची तुलना कशी काय होऊ शकते?

तर मंडळी झालं असं की, मिलिंद नार्वेकर यांनी तेजस ठाकरे यांचा चेहरा वेस्टइंडिजचे क्रिकेटपटू व्हीव्हीयन रिचर्ड्स यांच्यासारखा दिसत असल्याचं सांगितलं होतं.

याबद्दल त्यांनी शिवसेनेच्या ‘सामना’ या वृत्तपत्रात तेजस ठाकरे आणि व्हीव्हीयन रिचर्ड्स यांचा फोटो सोबत छापलेला होता.