तो एकमेव आमदार ज्याला विधिमंडळाच विद्यापीठ म्हणून ओळखल जायचं

मंडळी या जगाच्या राजकीय इतिहासामध्ये राजकारणात यशस्वी होण्यासाठी जनतेची फसवणूक करणारे, आपल्याच नातेवाईकांना अक्षरशः कुटुंबातून वेगळं करणारे, दारूचा वाटप करून गोरगरिबांची मत घेणारे असे अनेक राजकीय नेते आपण बघितले आहेत आणि अनुभवलेसुद्धा आहे.

मात्र असा एक नेता ज्याची प्रकृती बिघडल्याची वार्ता कळल्यानंतर लोकांच्या डोळ्यातील आसवांना पारावर राहला नाही. अक्षरशः लोकांनी अभिषेक करायला सुरुवात केली. इतका जनतेच्या काळजात घर करून बसलेला नेता म्हणजे शेतकरी कामगार पक्षाचे कर्तव्यनिष्ठ आणि एकनिष्ठ नेते मा.श्री गणपतरावजी देशमुख उर्फ आपल्या सर्वांचे लाडके आबा.

कारागृहात असतांना झाले आमदार

गणपतराव देशमुख यांचा जन्म सोलापूर जिल्ह्यातील सांगोला या गावी १० ऑगस्ट १९२६ रोजी झाला. ते व्यवसायाने वकील होते. मात्र आपल्या सांगोला मतदारसंघातील परिस्थिती बघता त्यांनी प्रत्येक माणसाचा आवाज बनून १९६२ साली पहिली विधानसभा निवडणूक लढवली आणि ते निवडूनसुद्धा आले.

सांगोला मतदारसंघातील जनतेच्या पाण्याचा प्रश्न मिटवण्यासाठी आबांनी अनेक आंदोलनेसुदधा केली. सतत ११ वेळा आमदार म्हणून निवडून येणारे आबा हे देशातील सर्वात पहिले आमदार होते.

प्रबोधनकार ठाकरे काय म्हणतात ?

आपल्या साध्या राहणीमानामुळे आबा नेहमीच चर्चेत असायचे. १९९०, २००४ व २००९ साली त्यांनी विधानसभेचे हंगामी अध्यक्ष म्हणून काम केले. त्यांच्या या कर्तृत्वामुळे त्यांना वोधनमंडळाचा जीवनगौरव पुरस्कार, वस्त्रोद्योग महर्षी पुरस्कार, लोकनेते बाळासाहेब पाटील समाजभूषण पुरस्कार, यशवंतराव चव्हाण स्मृती पुरस्कार, सावित्रीबाई फुले स्मृती पुरस्कार अशा अनेक पुरस्कारांनी सन्मानित करण्यात आले.

सलग ११ वेळ निवडून आलेले आमदार असूनसुद्धा आबांनी नेहमी एसटीमधून प्रवास केला. अत्यंत साधी राहणी ठेवली. सांगोला मतदारसंघातील जनतेच्या पाण्याचा प्रश्न मिटवण्यासाठी अनेक आंदोलने केली. स्वतःच्या पक्षाशी एकनिष्ठ राहून कधीही दुसऱ्या पक्षाचा विचार केला नाही.

त्यांनी आपल्या वयाच्या ९५ व्या वर्षी सोलापूर येथील अश्विनी रुग्णालयात ३० जुलै २०२१ ला अखेरचा श्वास घेतला. आबांच्या जाण्याने संपूर्ण महाराष्ट्रावर दुःखाचा डोंगर पसरला होता. मा. गणपतराव देशमुख हे एकमेव राजकीय व्यक्तिमत्त्व अस होत की, ज्यांना विधिमंडळाच विद्यापीठ म्हणून ओळखल जायचं.